Happy New Year

31 dec ko thandi se raat hogi..
doston ki mehfilo me kuch baat hogi....
purane saal ke gum aur khushi..
ye sab batain saath saath hoogiii...
Naye saal ki pahli raat hogi....

Is saal me maine kya paya kya khoya...
is baat ki saathganth hogi..
paisa to sabne kamaya hoga....
kisi se mil kar bichadne ki baat hogi..
Naye saal ki pahli raat hogi....

kuch boss ko galiyan...
kuch aapne kaam ki badi baat hogi....
yaar kar wo ladki sexi thi...
to aaj thodi hot ho ye man me aas hogi....
Naye saal ki pahli raat hogi....

Kuch taash ke patte honge...
to kuch chay ki pyaliyan hogi...
alg alag Music to thapo per..
alag alg kadam taal hogi....
Naye saal ki pahli raat hogi....


Tabhi baje poore 12...
chillane ki shuruvaat se hogi...
Happy new year hai sabki....
aaisi hi wish karne ki ek baat si hogi....
Naye saal ki pahli raat hogi.

is saal hum ye karenge wo karenge...
aaise vaadon ki phir se nayi list hogiii....
is baat o pakka karunga hi...
man me naye jazbaat ki nayi raah hogi....
Naye saal ki pahli raat hogi.

Satsang, masti aur khushi se gujre naya saal....
Is bande ke man ne to bas ye hi baat hogi....
sab fale fule aur khush rahe..
aaisi meri dua uper wale ke pass hogi..
Naye saal ki pahli raat hogi.


Happy New year........

Meri Shavyatra

Doston thoda ajeeb hai per kahte hai likhne wale imagination me bahut kuch likh jate hai....chalo main aaj koshish ker raha hoon meri shav yatra ko imagine karne ki....

Aaj main khada hoon
ek ajab si jagah per
rote bilakhte logo ke beech
kuch planning karte logo ke beech..

kuch dhandhas bandhate log..
kuch vidhiyo per batuyate log..
kuch tippani karte log..
to kuch meri batain karte log....

kuch logo se mera kuch rishta hai...
to kuch se meri dosti.
kuch aaise hai jinhe main jaanta nahi...
per wo kahte hai ki ve mere aapne hain....

kuch mujhe galiya dete log...
kuch mujhe sarahte log...
kuch ke hisab se aacha hooa main gaya...
kuch ke hisab se main ruk kyon nahi gaya...

tabhi shuru hooi meri antim yatra
mere nashwar shareer ki shav yatra..
log chal pade ram ka naam lekar...
main bhi saath ho liya jai ho kahte hooe....

raston ko chirte hooe..
bheed ko kaatte hooe...
rah chalto ka dhyan khiche hoe..
antim vidali lete hooe...
chal padi hai meri shav yatra..
shamshan ki aur badhte hooe...

Main soch raha hoon wahin kahin...
ke kya paya maine aur kya kho diya hai..
aapne jeevan kaal ke
kaamo ko toh leta hooa....

tabhi hum pahuche shamshan ghat...
mera shav pahucha meri chita ke pass...
agni ke bhet chadne meri aakhri jaydaad..
raakh me mili meri poori kaynaat....

Maine palat kar dekha rote chehro ko...
Mere jane ke baad gum me dube kuch aapno ko....
ye to thi normal shav yatra...
jo dukhi kare sab logo ko..

e mere aapno mere doston...
tumhare aansu mere shav se jyada keemti hain..
mat rona mere jane ke baad...
meri aatma aapki hasin per hi jeeti hai...

shariir to ho gaya aag ke havale...
meri aatma to aaj bhi aapke sameep baithi hai..
to bandh karo ye rona dhona....
haso aur sabko hasao...
ye hi hai meri aakhri tamnna....



 

Aaisa kyon hota hai..

Man me aag si lagti hai..
Tere deedar ko jee cahta hai....
do naino me doobne ko dil karta hai...
Aaisa kyon hota hai...

din bhar sirf ek shaqs yaad hota hai...
Tera hi chehra nazron ke samne hota hai....
awaz gunjati se kaano me teri....
ehsaas man me hota hai.....

kuch lamha agar dhayan na jaye teri aur....
man me sailab sa ooth jata hai....
jo alfaz na sune ho kuch pal maine..
koi kaam dil ko nahi soojta hai...

aaisa kyon hota hai...
ki udas man bhi machal oothta hai...
teri sirf ek muskurahat se..
hotho per mand muskan hai...
tere ek aabhivadan se....

log kahte hai ise ek bimari...
jise lagi oosi ko hi nibhani....
man ki preet hai doston...
har ashique ki kahani.....

lo aaj muje bhi kuch ho gaya...
bhola sa man pyar me pad gaya...
Do naino me aaj doob gaya.....
ooski yaad me ek kavita phir likh gaya.....

likhte kyon nahi....

Doston I am back........

kahti hai wo mujse yu muskurakar..
ke tum aajkal kuch likhte kyon nahi...
kahte the tum khud ko lekhak..
man hi man bade itarakar..

main to tumhare shabdon ki diwani thi....
tumse jyada tumhare vicharon ki parwani thi....
mere liye hi sahi e meet mere...
2 shabd bhi tum likhte kyon nahi.....

maine palatkar kaha e jane jigar...
Vichar dil ki sunte hai dimag ki nahi....
kalam alfazon ki sunti hai hatho ki nahi...
Gazal shayri se banti hai lavzon se nahi....

Dil to mera tune chura liya...
alfazon ko to tune tera bana liya..
lavzon me to sirf tera hi naam hai...
shayar ko tune ashique bana liya....

likhne baitha to tera naam aagaya...
teliphoon per tera paigam aagaya....
dil me aayi teri yaadu is tarah...
shabdon ko ek alpviram aagaya......

Dost

aaj subah ki ujali kiran me...
khali pade in raston me.
kadam tal kiye chala ja raha tha..
khud se do lavz kahe ja raha tha...

purane dino ki choti se yaad ko..
phir se jeeta chala ja raha tha...
tabhi ghera mujze kuch bavandar ne...
bahata gaya yadon samandar me..

yaad aaya wo waqt
jab main tha thoda musibat me..
bas oos pal ki yaad hi bahut thi,,
ke do kadam aur dikhe bagal me..

kandhe per aapna hath rakh wo bola..
tu chala chal main tere sath hoon bhola..
tu tair nahi sakta ye janta hoon main...
isiliye laya hoon main tairaki chola..

bas tu hath pakad le mera...
har bawandar se lad jayenge hum..
thoda tu chal thoda me chalta hoon...
har laharon per tair jayenge hum...

har khushi me tere sath rahoonga...
har gum me tere pass rahunga...
teri hasi ka hissa banu na banu...
tere aansuo ka sahara zaroor banunga...

maine bhi socha ye bhi sahi...
jab pass ho koi aapna..
mushkil ya khushi ka sath wahi hai...
hum kah sake dost aapna....

Mere sabhi doston ko mera salam...in char lineo se aaj friendship day per tute foothe alfazon se koshish ki hai...mujhe pata hai dum na bhi hoga tab tu kahoge...kya baat kya baat kya baat.....dhanyawad..... 

One Sided Love...

Hello doston...
Pyar.. bada aacha lavj hai... App main har koi is lavj se vakif hai.. Pahle ye blog main Hindi me likhna chah raha tha..but jab tak main translator download karunga meri puri vichar dhara hi khatm ho jati... kyonki one sided love ke bare me likhne ke liye oos mindset me hona jaroori hai...

main aap hum sab aapne jeevan me ek na ek baar is beemari ka shikar jaroor hooe honge.. jab hume koi pahli nazar me pasand aaya ya aayii hogi. kanyaon ke dimag ki halat shayad main aache se bayan na kar paoo, per bando ki dasha per baat kar sakta hoon..

To chalo aaj baat karte hai pahle pyar ki...wo pyar jiska izhar cah kar bhi bhi nahi ker pate...per jab wo samne ho to ooski aankhon me gote lagate hai jab samne na ho osaki yadon me gote lagate hai...
aaj ke adhunik yug me mobileko bar bar palat palat kar dekhte hai ki shayad ooska koi message aaya hoga..shayad koi missed call hoga...aur kisi missed sales call per re call kerke check karna kekahin ye call ooska to nahi...

are Ankit ye oosaka oosaka kya ker raha hai...ya kaun hai wo aaise sawal zaroor aayenge,,,to doston "Oosako" is shabd ko aap replace kijiye aapke pahle pyar ya aapke ek tarfa pyar se....

jab aap pahli baar aapne dil ki nahi sunte aur prem-samudra me tairne se darte ho...to ye one sided love aapka picha hi nahi chodta. jeevan ke har padav per aapke dil per dastak deta hi hai..   aab ye main kyon kah raha hoon kyonki mere sath to aaisa hooa hai aur ho raha hai...per mera jawab aaj bhi yahi hai ki pyar kya hai mujhe ye hi nahi pata....khayal rakhna khushi me khush hona aur gum me sath baith gum bantna ye to humari adat hai agar ye pyar hai to haan main bhi iisi samandar me gote kha chuka hoon....

are are main to rasta hi bhatak gaya....main oos feeling ka zikr karna chah raha tha per main to bhavnao me hi dub gaya....

kya kabhi aapke sath aaisa hooa hai ki jab koi aapke sath ho to har kaam me man lagta hai..aur jab sath na ho to ooski ka khayal man ko ghere rahta hai...aur oos ghadi ka intazar karta hai ki kab main oonse phir miloonga...akele baithe kar muskurana..agar wo bhav na de to thoda chidh jana...aaine ke samne ja ja kar khud ki halat thik karna...aur galti se wo kah de ki ye shirt aap per jachti hai to bas..wo shirt na hooi bhagwan ban gayee...lagbhag roj wahi shirt pahnne ko atur rahna....

bada hi meetha sa ahsaas hai....agar pyar ek tarfa ho to ooska ehsaas hi ajab sa hai main to ye soch raha hoon ki yadi ek taraf me itna maza hai to dono taraf ka ho jaye to wakai ye kahna atisyokti na hogi..ke aag dono aur barabar ki lagi hai...ha ha ha

to bas e mere dost..
kabhi khidki ki oot se..
to kabhi aaine ke pratibimb se..
ooske naino ko main niharta raha..
ye pyar bhibadi gajab cheej hai...
naav me baith kar bhi bas gota lagata raha,,,,,

Chita se aaj bhi darta hoon main..

kahte hai log aapna seena tankar...

shero ko dar nahi lagta...

Main bhi kisi sher se kum nahi...

per dar mujko bhi hai lagta...

na kisi dushman se, na kisi dushmani se..

Na kisi musibat, na hi kisi mushkil se..

darta nahi main kisi anchahe mod se,,

Ye sher to darta hai Chita ke zor se..

ye to sabne suna aur khub kaha hai,,

jo aaya hai oose ek din jana hi  hai..

na jane kitno ko pahuchaya hai maine mukam tak,,

per chita ki aag se dil bhar aaya  hai...

bahuton ko sahas diya maine...

apno se bichad kar bhi jeene ka..

koi mere dil se puche...

sahas kaise batoru is dar  ko pine ka..

janta to main bhi yehoon...

khud ko chita per nahi dekh sakoonga...

pal jab bhi wo mere samne aata hai...

khyal aata hai ya alah kaise main mar sakoonga..

kitna pyar paya hai jahan se..

rota hooa kaise dekh sakoonga...

hasna hasaana joda hai maine...

kaise sabko chood sakoonga...

jab bhi khyal man me aata hai...

dil ka khoon bhi pani hi ban jata hai..

dhandhas kaise bandhau main khud ko...

chita ka dar jo mere zehan me aaya hai...

shero ki tarah jeena chahta hoon..

akhiri pal se aaj bhi darta hoon...

haste rahe ye arman hai mere..

per Chita se aaj bhi darta hoon...

Choti Choti Khushi...

Zindagi ke kuch hasin lamhe ye blog likhte samay maine socha kya mere jeevan ke sirf ye hi yaadgar lamhen hai? to wo lamhe kaun se honge jinse maine na jane kya kuch  nahi seekha kya kuch nahi aapaya...to chaliye koshish karta hoon oon lamho ko kavita me bandhne ka....

jeevan jitna bhi jiya bade aache se jiya hai,
har lamhe har saal bade sukun se jiya hai..
chalo aaj liye chalta hoon oos zamane me...
jab hum bhi the lakdi ke paalne me...

paalne per latka khilona bhi
chehre per mast muskan de jata tha..
papa ka dilaya ek gubbara bhi..
zamane bhar ki muskan le aata tha...

Maa ke hath ki roti hi bas,,
pet ki aur dil ki bhukh mitati thi..
Papa ka kaam se ghar lautna..
ajab se khushi de jati thi...

mitti me jakar laut lagana..
to kabhi gandi naliyon se Gend nikalna..
barish ke mausam aate hai...
saikil chalane ki jidd lekar baithna...
sadak chap cricket me bhi..
vishwyudha ka chid jana...
wahh kya din the wo ...
jise hum bachpan kahte hai...

padhai na karne per papa ka khub datna..
dada dadi ka humare paksh me papa ko datna..
Ma ka papa se ruth kar baith jana...
phir papa ka humko manana...
kandhe per bitha kar mele le jana...

ye bhi bade hasin lamhe hai mere jivan ke..
jitna yaad karo ootne hi hoth muskurate hai...
ankhon se aasu aur man me khushi dilate hai..
in dino ko phir se jine ki caahh rakhte hai...
choti choti khushi phir pane ki caahh rakhte hai....





  

jindagi ke kuch hasin lamhe....(part 1)

Aaj main aapne aab tak ke nahe se jeevan ke kuch aaise paloke bare me likh raha hoon. wo pal jinkee aaj bhi jab main sochta hoon jab mere chehre per muskan si aajati hai. aur main utsah se sarabor ho jata hoon.

aaj se karib 9 saal piche jata hoon. tarikh 1st aug 2003. dil me iicha thi ki engineering collage me admission loon. Wo bhi computer engineer. jan 1st ko mera bhai collage counselling se aaya to bola ki Ujjain ke collage ke Computer science branch full ho gayee. man baith gaya. wo shayad jeevan ki pahli raat thi jab main tension me raat bhar jaagta raha. Sochta raha ki kya hoga mere sapne  ka. kya main kisi aur branch ke saath insaf ker sakoonga. ye sochte sochte main 4th aug ko counselling me gaya aur Admission IT branch me liya kyon ki kisi ne kaha ki dono me jyada farq nahi hai. aur aaj bhi main oosi din ko yaad karta hoon ki finally mujhe engineering me admition to mil hi gaya. main nahi janta maine IT stream ke saath insaaf kiya ya nahi per passout hone ke 5 saal ke baad ye kah sakta hoon ki naukri na hone ke karan kabhi dimag per tension nahi aaya. aur malik kare aage aaisa koi din na dekhna pade.

Dusara yaadgar din bina kisi soch ke wohi din hoga jab main engineer ban gaya. 14th july 2007 jab humare final Year ka result declare hooa tha. and finally main ek engineer tha. shayad aapni aankhon se pahla sapna dekha hoga jo pura hooa. bahut khush tha main oos din. wo din mujhe itana pasand hai ki mujhe wo time bhi yaad hai jab mujhe mera result pata chala tha, 3:15min dophar me. Saturday hone ke karan office jana nahi tha.aur gher per movie enjoy ker raha tha tabhi mujhe phone aaya ki main pass ho gaya. sach kahoon to itani khushi oosdin tak maine kabhi mehsoos nahi ki thi,

agala mauka kuch aaise aaya ki maine aapne gher Ujjain me call kiya ki main 9th june ko gher pahuch raha hoon. to mere  ma papa is intazar me the ki kab 9 jun aaye. 4th jun ko maine gher call kiya. aur kaha ki main auto me baitha hoon aur gher ja raha hoon.mmm sach kaha Ujjain wale gher main Indore Airport per tha. aur wo meri pahli Hawai yatra thi jo maine khud sponsor ki thi..he he he. aur maine raat ko 11:30 per gher ka darwaja khatkhataya. Gher per log mere khatkhatane ke style se itna dar gaye ki haath me danda lekar darwaja khola aur oonke chehre main aaj tak nahi bhul sakta jab oonhone mujhe dekha. Ma ne pucha aabhi kaun si gadi se aaya. to  maine hawa me hath hila kar kaha ma main hawai  train se aaya hoon. aur agale din mammi papa sabko khushi khushi bata rahe the ki mera beta plane se aaya hai...bada hi yaad gar din tha wo...

                                                more to write and more to go....this post is not completed will write more.....

MAA

Hello friends..

Aaj mere pass waise to teen topics hai jaise "Love is in the Air", "Maa", " Ishwar bhi sakar ho sakte hain.."..per last topic maine reject ker diya coz wo mujhe HINGLISH me nahi pure Hindi me likhna hoga....

To chalo Ma ke bare me hi likhta hoon...

Aaj main jeevdaani mata ke mandir gaya tha..tabhi socha maa ke sath jagda karu kya oonse ruth ker baith jauu ya oonhe dhanyawad du..inhi vidambnao me baitha ye socha ki Ma kya hai...Insan? bhagwan? shabd? aakhir hai kya Maa?

Maa ye shabd hai jo bhagwan roopi Insan ko bayan kerta hai. chaliye oos din se shuruwat kerte hai. jab mera is sansar ke rang manch per koi vajood nahi tha. oos samay mera vajood banaya meri maa ne. mere kirdar ko rochak banaya meri maa ne. mere kirdar ka auchitya banaya meri Maa ne..

jo batain hum roj sunte hai ki hume sukhe per sula ker khud geele me sote the humare maa babuji. aur ishwar khud har jagah nahi pahuch pata isiliye oosne Maa ko banaya.

bada aacha lagta hai ye sunne me per kya hum is per amal kerte hai. yadi aapka jawab haan hai to khud aaine me dekhiye aur khud se mohabbat kerna shuru kar dijiye.
jab main aapni baat yahan tak kah gaya to aage kahne ke liye mere alfaz kum pad rahe hai...kyonki Maa koi murat nahi wo to ek ehsas hai jo humesha mere saath hai. jo log kisi na kisi tarah se aapni Maa se door hai wo man me sir ek baar aapni Maa ko pukaroye...aab jo bhi bulate hai aapni ma ko jaise amma, Maa, Mammi, Momi. Mataji, Mai, Aai ya jo bhi. aap pukar kar dekhiye..aapke hotho per muskan hogi aur dimag me wahi bachpan wali masumiyat, kyon hum aaj bhi aapni Maa ke liye wahi Masoom bane rahna cahte hai...

Mujhe to na jane  kai saalo se Maa is shabd se hi pyar ho gaya hai. chahe koi bhi mahila ho agar wo Maa hai to mere liye sanmam ki patra haim. chahe wah sadak per chal rahi bhikharin ho ya mahlo me rahne walo koi adakara,

mujhe jaanne wale ye soch rahe honge ki banda bhavnao me bah ker ye batain ker raha hai. per Doston Maa ke bare me likhne ke liye bhavnaye nahi sirf ehsaas cahiye.

Jab bhi mujhe koi samsya hoti to main jat se ma ke aanchal me simat jata aur meri samasya khatam ho jati ya mujhe oosse ladne ki himmat aajati...aaj Maa mere sath nahi hai to  kya hooa sirf aankhe bandh kerta hoon aur schta hoon ki main Maa ke anchal me hoon aur bas samasya samapt.

Ravan ka naam to aapne suna hi hoga..haan haan wohi to Ram ji se har gaya tha. oosne bhi aapne neeti shashtra me kaha tha ki " Poot, Kapoot ho sakta hai per Mata kabhi kumata nahi ho sakti".

main aaj is baat ko yahi choodta hoon aur oon sab Maaon ko charan sparsh kerta hon...kyon main kah chuka Maa ke bare me bolne ke liye vichar to bahut hain per kya karoo kalam ki syahi ya shabdon ka sangrah dono hi chote lagne lagte hai..

kaash jindagi me rewind button hota...

kahte hai man ki gati bahut tez hoti hai....to chaliye main apne man ki gati se thoda aage gaya aur oos pal ke bare me socha jab main mrityu shaiya per laita hooa hoon...aur iicha kerta hoon ki thoda piche jakar phir jevan ji saku...


kaash jindagi me rewind button hota
to aaj 90 saal piche jakar play back kerta..
aapne janmdin ke din hi birthday manata,,,
os doctor aur nurse ke sath aapni khushi batta...

Maa ki god ka lutf phir se oothata..
papa ke dil ki khushi ko badhte dekhta,,
Dada ki aankhon ka tara phir ban jata,,,
To Nanihal ka dulara phir ban pata..

billi se darkar phir ma ke anchal me chup pata...
Papa ki ungali pakad ker phir chalna seekh pata...
gubbaro, khel khilono se phir khel pata...
phir apna pahla birthday mana pata...

phir se School jakar ABCD seekhta...
Roj nayi sharart aur bachne ke naye bahane dhundhta...
Unit test ke results phir ma papa se chupata...
varshik parikha me phir avval aa jata....

gher se kuch sikke curakar..
dosto ke sath gol gappe udata...
kabhi imali to kabhi churan ki pudiya,,.
kabhi pepsi to kabhi orange kulfi ka anand uthata,,,

nanhi aankhon se phir sapne dekhta..
oon sapno ke liye thodi aur mehnat ker leta....
pahli tankhwah ma ke hath me rakhker...
oonki ankhon ki chamak ko camere me kaid ker leta...

oos chand se chehre ka phir se kayal ho jata...
sagar jaisi aandhon me phir gote laga jata...
kali lahrati julfo me phir se beh jata..
hatho me hath liye lahron per ghato bita jata..

tabhi ek umar aati jise hum adhed kahte hai...
tajurbon se jindagi ke mayno ko tolte hai..
oon dino ko bhi phir se jee pata...
kuch bhatke hooun ko raste dikha pata...
tajurba badha to budhapa aaya...
jurriyon wale sathi ko tab bhi sundar paya...
jindagi bhar ke gum aur khushi ko...
bas humsafar ki ankhon me paya...

tab jakar phir aaj ka din aaye...
mritu shaiya per khud ko leta payain...
man me ho santosh ki jindagi jee aaye hum...
aab to bas chain se maut aaye....

tabhi dikhe yamdoot hume...
per hum oonhen bhi thoda hasa jaye..
humari ruksati ke waqt...
koi banda bhul ke bhi ro na paye....

kaash jindagi ko rewind ker phir play ker paye...
beete lamhon ko phir se hum jee paye...

                                leking doston aaisa koi button nahi hota to is jindagi ko hi yaadgar banao...aur haso....gaaooo....muskurao...kya pata kal ho na ho.....

Rishtay....

Gita me kaha gaya hai ki "tum kya lekar aaye the aur kya lekar jaoge". bilkul thik hai aaj sochte hai iis bare me. doosare nazariye se sochte hai ki hum kya lekar aaye the? bandh mutthi me kuch lakeerain thi..aur oon lakeeron ko kharch ker hatheliyon ko khula rakh ker chale jayenge.

per sawal hai doosare saar ka ki jo paya  yahin per paya. sahi hai insaan cahe jitna paisa pale per adhoora hi rahta hai...koi cheej hai jo wakai me hume pana cahiye wo hain log, rishtay.

Rishtay jo insan ki sabse badi kamjori bhi hoti hai aur sabse badi taqat. ek bacche ke liye sabse taqatwar insan ooska Pita hota hai. ooski sabse badi taqat ooski Ma hoti hai. aur ye hi rishtay insaan ki sabse badi kamzori hoti hai. Bahan ko vida karte samay kabhi kisi ke samne na jukne wala bhai aapni bahan ke sarusaal walo se ye zaroor kahta hai "palko per baitha ker rakha hai aap khayal rakhiyega."

wakai me rishtay badi hi aachi cheej banai hai malik ne. poora jeevan hum oonhi ke sath bita dete hai aur jab jeevan chodne ka waqt aata hai wo iinhi rishton ke liye phir ek baar jeene ki iicha hoti hai.

ye to hooi wo rishtay jo malik hume tohfe ke roop me deta hai. kuch rishtey aaise bhi hote hai jinhe hum khud cunte hai. jaise Dost, kahte hai..

Ye jindagi badi choti hai..
tu chalta chala chal.
Dushmani ke liye samay kahan hai...
Tu to dost banate chal...

Bas ye hi ker raha hoon, Dushmani ke liye mere pass bhi waqt nahi hai to main to dost banata chala ja raha hoon.
Mere Dost kahte hai tu humesha muskurata rahta hai...karan dhundhne chala tha to mila ki mere bahut sare dost hai..oonme se koi na koi to khush hoga hi. oonki khushi me mera khush hona to banta hai na...

Dostn kya bolte ho main sach kahraha hoon na...agar meri baat se ittafaq rakhte hai to is post per comment dijiye...Main intazar karoonga,,,,

Love...

Doston pahle to mafi ki pichle 2 sat se aapko nayee post nahi milee...aap to jante hai ki main kitna aalsi hoon....chalo aaj ki baat aage badhate hai...

Today I want to talk about a magical work that is Love. When we read this word or listen to that word then we got a different feeling. That feeling you can not justify in words. Let us talk about mothers Love. When she put her hand on our head that time we just go to an another world. At least it was happed to me. Whenever I had problems I used to go to my mother and without saying my problem in words. She just kept her hand on my head and let me take a relax in her lap. Oh!! I cannot express that time in words. That was the time I usually got the solution.

But today I am not talking about the love of mother. Or care of father. I am talking about the love of someone special whom we always want for our entire life. Same effect happens but the different feeling when my love takes my hand in hers. I got the solution for my problem because at least I realize that someone is there who is with me.

Let us talk about the time when we saw first girl or a boy and something happen in deep in heart. Lovely feeling.  At least I can live life with that only feeling, when I saw her first time. Or when I see her any time. Oh! That doesn`t mean that I know who is she? She is just an imaginary personality as on now and till the time I got the face of that imaginary person.

But I saw my friends finding their love enjoying their time with their loved one.

It isn`t a different feeling when we expect someone to hold our hand when we are on sea shore, or when we are in a party, or when we got a success or when we fail, or when we become old.

I heard once a proposal where a guy said a very beautiful line that “I love you whatever you are, whatever you will but I Love you. I know today we are young and attractive and you are so beautiful, but I don`t love your beauty, I don`t love your attractiveness. I love you. And I will do when you become 60 year old with wrinkles and shaky hands and slow walk. I will love to walk when I`ll have stick in one hand and your hand in other. Will you want to be with me”

Wow! What a feeling it was. I was amazed by listing to that. I am still waiting for that hand or for that face, with which I can spend my whole life whether it is till dec 2012 or 31.12.9999……

sapne...

aaj gher ki khidki se Baitha..
Bahar Udati chidiya ko dekh raha tha..
mere bhi pankh the kabhi...
aaj phir oonhi ko khoj raha tha...

wo bhi kya din the jab pankh failaye..
udane ki koshish kerte the..
asmaan tha to bahut door...
per pal me chune ki koshish kerte the....

nanhi se aankhen thi...
per sapne bahut bade dekhe the...
socha tha poora karenge oonko...
hauslon ke tarazo me tolte the....

tabhi ek aaisa mod aaya...
hausalon ko maine ek chita main jalaya...
sapne to aaj bhi hai aankhon me....
per himmat ko maine suli chadaya....

log kahte the ye kuch karega...
kuch kerne se darta hoon...
main kya kuch karoonga....
aab to khushi se bhi darta hoon...

Tension....

हम अक्सर सोचतें है की हमे सबसे ज्यादा टेंशन है

कभी सोचा है नुक्कड़ पर बैठे एक चाय वाले को कितना टेंशन रहता होगा
प्लेटफोर्म पर चाबी के छल्ले बेचने वाले अंधे आदमी को कितना टेंशन होता होगा, सोचो उस चाय वाले आदमी के बच्चे ने कल रात को उससे कहा था की की पिताजी कल काम से लौटते समय मेरे लिए खिलौना लेते हूए आना पर उस दिन चाय ज्यादा नहीं बिक पाई, और खिलौना खरीदने जितना पैसा वह बचा नहीं सका, तो उस आदमी के ह्रदय पर क्या गुजरती होगी की बच्चे ने कोई फर्माहिश की है और मैं उसे भी पूरा नहीं कर पा रहा हूँ, उस अंधे फेरीवाले के बारे में सोचो जब उसके अंधेपन के कारन उसके चाबी के छल्ले कोई चुरा लगाया या कही गिरा दिए और जितना कमाया था उतना नुकसान हो गया अब उसकी विडम्बना देखिये यदि वह बचे हूए पैसो से रात का खाना खरीदता है तो कल का सामान खरीदकर कैसे बेचेगा
और अगर कल के सामान के लिए पैसे बचाएगा तो आज परिवार को क्या खिलायेगा

यदि आप इन दोनों की चिंता अथवा टेंशन के बारे में सोचेंगे तो आपको आपका टेंशन काफी छोटा दिखाई पड़ेगा
क्योंकि आपको यह टेंशन होगा की मुझे छुट्टी नहीं मिल रही है
बॉस ज्यादा काम करवा रहा है
या सखी ने आज ज्यादा पैसे उद्वा दिए
या आज खाना अच्छा नहीं बना था
मेरी तनख्वाह मेरे मित्र से कम है

चलिए इतने छोटे तमगे के इंसान के टेंशन से तुलना मत कीजिये
एक मध्यम वर्गीय परिवार के टेंशन की बात करते है इस महंगाई के दौर मैं एक इंसान महीने के ५००० कमाता है और इससे अधिक वह कम नहीं सकता क्योंकी वह इमानदार है
अअब बताइए यदि प्याज़ ७० रूपये हो तो वह क्या कमाएगा और क्या आपने शौक पुरे करेगा
इस बीच यदि तनख्वाह आने में १ २ दिन देर हो जाये और घर में बच्चा बीमार हो, घर में लगा बिजली का बल्ब ख़राब हो जाये, घर में आटा न हो तो वह इंसान क्या करेगा
बच्चे का इलाज उसका पेट भरना या उसकी पढाई के लिए बिजली का बल्ब
उसके टेंशन की सीमा को महसूस कीजिये

तो यदि आगे से कभी भी टेंशन हो तो मेरी इस छोटी से बात पर गौर फर्मायेगा और विचार कीजिये की किसकी चिंता बड़ी मेरी या इस किस्से में दर्शाए गए तीन लोगो की, हो सकता है इन तीनो लोगो को समस्याओ से मिलती जुलती आपकी भी जिंदगी रही होगी
जब आपके बड़े बुजुर्ग कुछ ऐसा ही सोचते होंगे, यदि इन तीन महापुरुषों के बारे में न सोच सके तो अपने बुजुर्गो का ध्यान कर लीजियेगा इससे आपके मन में उनके लिए सम्मान भी बढेगा और उनकी चिंता का स्तर भी समज आएगा

तो मेरी एक बात याद रख लीजिये की चिंता चिता के समान होती है सिर्फ एक बिंदी का ही फर्क है तो हँसिये गाइए मुस्कुराइए और टेंशन को पेंसन लेने भेज दीजिये......

Insaan....

Aaj gher per baithe hooe khidki se bahr dekh raha tha, achanak dyan balcony per gaya aur dekha gher ki wo jagah jahan humne kabhi dhyan nahi diya wah to kabootaron ka basera sa ban gayi hai...5-6 kabootari aapne ando ko sek rahi thi kinme se kuch bacche bhi ban gaye the....to anayas hi socha ki inh yahan se bhagaya jaay..ye humare gher ko ganda ker rahe hai....aur ooth ker 1 2 naye ando ko maine fodne ke liye ootha liya....tabhi ek mitra bola ki "rahne dijiye malik....hum insan in parindo ko begher kerne ke liye jinmewar hai kya hooa agar ye parinde humare gher ki thodi se jagah maang rahe hai isame kya boora hai". Dimag ke taar hil gaye ki baat me gahrai to hai.....sochna padeda.....chaliye sochte hai....
Wakai hum insan itane swarthi hote hai jo aapne aap ke nahi ho sakte wo in parindo ke kya hoonge....aaj 90% insaan Daulat ke piche pagal hai. Koi paisa roopi daulat ke piche daud raha hai to koi rutbe roopi daulat ke piche....koi nashe ki daulat to koi jism ki daulat...bas daulat ke piche insan bawra sa ho gaya hai. main ye nahi kahta ki main inse alag hoon. akhir main bhi insaan hoon alag kaise ho sakta hoon. nahi to log samjenge ki keval bhashan dilwa lo jaise khood to doodh ka dhula hai isliye spastikaran anivarya hai.

ek masoom sa bejuban janvar jiska is sansaar me shayad koi nahi oos per hum insaan atyachar ke alawa kuch nahi kerte. kyon na hum me se kuch insaan is parindo ke apne ban jaye to shayad kuch jantuo ki nasle bach jayengi kyonki jo vilupt ho gayee oonka to hum kuch ker nahi sakte.

aab maine kaha ke is duniya me oonka koi nahi is tathya ko sabit kerna hooga. main jab bhi pareshan hota hoon koi koi rasta nazar nahi aata to main seedha aapni MA ke anchal me ja baithta, aur anayas hi sare raste nazar aane lagte hai. per in jantuo ke bacche jab bade ho jate hai to oonki mataye hi oone chhood ker chali jati hai to ye parinde, ye bejuban jantu aapni samasya kise batayenge? inka aapna kaun hai? ye sawal wakai vichar kerne yogya hai. aur ye vichar keval insaano ko kerna hoga kyon ishwer,allah,yesu,guru jinhe bhi hum mante hai oosne sochne ki taqat sirf hume di hai..

Malik ne sochne ke sath bhavnaye hume hi di hai oon bhavnao me bahker hi sahi inke apane ban ker dekhiye…

..main aapni baat yahi rokta hoon....sochiye is bare me....

Kuch Batain Shayarana andaz me …..

jindagi ek kitab hai padhta chala chal....

jita ja aur majje lootta chala chal....
panne palatne ki koshish mat ker....
jo ye sikhaye oose sikhta chala chal....
------------------------------------------------------------------------------
kya tha main aur kya ho gaya hoo...
good boy tha main thoda Bad ho gaya hoon..
Chote se shahar ka ladka tha main....
aab mumbaiya ho gaya hoon......
-----------------------------------------------------------------------------
Phone aur facebook jaise sadhan hai humare pass
milte rahenge is baat ka hai viahwas...
phir bhi na jane Kyon aaj bhi hai....
bichadne per gum ka ehsaas....
----------------------------------------------------------------------------
yadain..
Yadain bhi ajab khel khelti hain....
Zindagi ke lamhon ko alfazo se tolti hai....
jis pal dil khol ker muskuraye the hum log...
aaj oonhi bataon ko gum ke tarazo se tolti hai...
-----------------------------------------------------------------------------
yu khada main samander kinare...
gunguna raha tha zindagi ke fasane...
koshish kuch aaisi thi man me...
alfaz jod ker likh do ye tarane...

kya paya hai aab tak maine..
aur na jane kya kho aaya hoon main...
bahut kuch hai pane ki iicha man me...
na jane kahan kho jaonga main....

kitne hi dost mile is rah me...
kuch sirf mile to kuch jaan ban gaye...
kuch khoob hase mere sath...
to kuch har arzoo ke gawah ban gaye...

kuch pane ki ek lagan si lagi hai...
per raste dushwar ban gaye...
socha malik se thodi madad hi le loon....
per sirf do nain hi mere bhgwan ban gaye...

shabd nahi hai mere zahan me...
kuch panno ko bayan kar sakoo...
bade hi nayab hai wo lamhe....
tamanna hai onnhe akhtiyar ker sakoo...
--------------------------------------------------------------------
yu tha khada aur soch bhi na paya....
manzile thi anek per raste dhundh na paya...
kahle wo umar hai meri raas lilao wali...
per kya karoo aab tak gopi to pata na paya...

Gopi na pata paya isame mera koi dosh nahi...
mahangai itani hai ki kisi ka koi dost nahi....
aur aaj kal ki gpoiya bhi itani tez hai...
ki kewal raas leela hi oonke manki mauj nahi....
--------------------------------------------------------------------------
Ye dil bhi gajab dhata hai...

na jane kaise khaab sajata hai...
poore ho har khaab is dil ke..
ye aarzoo bhi dil hi dilata hai....
---------------------------------------------------------------------------

Technology

Technlogy...

Today I was at mall where I saw one family where couple sharing their words and their kid was busy on TAB. I ignored that thing because that is normal. Technology affects the New generation not the previous generation. Then we gone further that time I saw teenage couple, they both busy with their respective phones. First I though that they are talking to each other….Funny…but then I went on tour of thought that , what technology means to us?


Technology is created for the betterment for human being. But is it moving the same way which we wanted. I strongly think this is going to wrong way now the technology is not serving us we became the servant of technology. Technology is penetrating our life like Drugs. We became dependent on technology.

Let me take my example when I was in 12th standard I was used to memorized all the Phone numbers of relative even the number of Public telephone booth. And then we got Mobile phones we have lot of friends but sometime I even forget my Number.

Let me take you to earlier world where there was no telephone no Internet was there. That time ifa guy and a girl were in love then they have to wait for the next morning to go to college or if they are engaged then they have to wait for a postman to deliver the message by their partner. How cute!!

And now it is a matter of a second. Just dial a number and you can listen to that person or if you are ready to spend some more then you can even see your partner digitally. But I bet that the feeling is way different than the previous world.

Why I have better understanding of the technological world because our generation saw the revolution in technology. Once It was a time when if we have to watch Mahabharata or Ramayana on TV our family insists us to take a bath then come in front of the TV. There were no vehicles on the road while these serial are broadcasted. All streets were deserted. And we used to talk like dialogues of Ramayana.

We were the part of that era when mobile phone was the status symbol. Now it is addiction.

But let us discuss that technology is really helping us or technology is like chitty in the film ROBOT…..

I am Putting this Question open…..


Ankit Vasavada

welcome again

Hi Doston

I am going to start writing anything which is there in my mind and in ay language. I will try to write every Saturday. Let me think and try for how many Saturday I will Right. But surely I will try whether I got Followers or not.
Let me tell you something about myself before I start my words.
I am Ankit Vasavada working for MNC in Mumbai. As of now this is the only Identity which I earn by my life till date with my efforts. Other then that I am a son of an Accountant and a House wife from Gujarat settled in Madhya pradesh India.
Now I am in Mumbai, done engineering from Ujjain Madhya Pradesh and PGDHRM from Pune Maharashtra.
That means I am an educated looser. They say that you have to believe in yourself.
May be my posts are too pessimistic or more optimistic let see. This is just a first post for the new Story……more to go….

Ankit Vasavada